Nyama zilizosindikwa (processed meat), zimethibitishwa kwamba zinaongeza sana uwezekano wa kupata saratani (WCRF).  Wataalamu wanasema hawajaweza kuona kiasi chochote cha nyama iliyosindikwa kinachoweza kutumika bila kuongeza uwezekano wa kupata saratani.  Nyama zilizosindikwa ni pamoja na zile zilizohifadhiwa kwa kuongezwa chumvi, mafuta, kemikali au kukaushwa kwa moshi. Nyama hizi ni pamoja na nyama za kopo, soseji, bekoni n.k. Unaweza kujisomea zaidi kijarida cha kiingera kilichoandikwa na AICR.

Tukumbuke kwamba saratani nyingi huzuilika.  Siku ya saratani duniani mwaka huu ililenga kuzuia saratani.  Shirika la Afya Duniani (WHO), limetoa maelezo mengi kuhusu kuzuia saratani, lakini kwa bahati mbaya sio wengi wanaofikiwa na taarifa hizo.  Imeelezwa kwamba kiasi cha watu zaidi ya milioni 12 hugunduliwa na saratani kila mwaka ulimwenguni; na kwamba saratani inaua watu wengi kuliko ukichanganya wanaokufa kwa UKIMWI+Malaria+Kifua kikuu (TB) pamoja. Lakini ni vizuri kujua kwamba kila saratani tano zinazotokea, mbili zinaweza kuzuilika (WHO).  Kwa maana hiyo, katika hizo millioni 12 zinazogunduliwa kila mwaka, karibu milioni tano zingeweza kuzuilika.  Namna mtu anavyokula inachangia sana kuongezeka uwezekano wa kupata saratani.

Tutumie zaidi vyakula vitokanavyo na mimea kama maelezo katila jipende yanavyosema.  Bonyeza hapa usome maelezo hayo.

Jipende.   Ufunguo wa mtindo bora wa maisha upo mkononi mwako.

del.icio.us Digg Facebook Google Twitter Mail to a friend Thank you for sharing!
 Tagged as:
This entry was posted on Saturday, October 2nd, 2010 at 3:20 am and is filed under Kiswahili, Lifestyle. You can follow any responses to this entry through the RSS 2.0 feed. You can leave a response, or trackback from your own site.